Cater ９ 与管佳莉的三两事（下） (第6/8页)

    我窘迫得满脸通红，结结巴巴辩护道：「我…唔系，我…无…，边…度有啧…」

    曾倩萍帮腔道：「琼琼，你唔好乱咁讲啦！玩襟棉胎，唔系你拍到我，就系我掂到你架啦！」

    管佳莉亦站在我那边，道：「成皇志，唔似啲咁嘅人。」

    我闻言很感激管佳莉相信我的为人。

    室友问：「咁仲玩唔玩？」

    肥婆琼看看自己手中握着的啤牌，道：「玩！咩唔玩啊？继续。」

    游戏再开始，我避忌了很多，正如我所说，我是一个很介意别人看法的人，管佳莉这麽信任我，我不能让她失望，最後我当然输掉了这场襟棉胎。

    肥婆琼向我道：「你输咗要罚。」

    「吓！罚啲咩？」

    「欸！算喇！唱首歌算喇。」

    「吓！要唱歌架，咁好啦！有只雀仔跌落水…」

    「喂！边个话畀你拣歌，你输咗，系我点唱。」

    「吓！咁唱咩歌？」

    「挡不住的风情啦，要跳埋舞架。」

    「吓！依首我唔识喎！」

    「咁波斯猫呢？」

    「波斯猫系咪饮品嚟？」

    「依首唔识，嗰首又唔识，你识唱啲咩？」

    「我唔系好识唱歌？」

    「咁你偶像系边个？」

    「我几锺意伊面。」

    「咁求其唱首伊面嘅歌嚟听下。」

    我轻轻咳了声，清清喉咙，管佳莉在场，我有点紧张，唱道：

    「喜欢你我最清楚这感觉

    从前你是你从前我是我…」

    肥婆琼笑弯了腰，管佳莉等人亦捂住嘴巴，我尴尬